小妹妹對住股神一啲都冇怯場，佢仲引用數據話印度人口已經佔全球嘅17%、每年經濟增長都有7%至8%，仲話相信到二○四三年印度GDP增長會超越美國，於是就問巴菲特點解佢仲未喺印度投資？巴菲特就話佢哋一直有密切留意印度嘅發展，亦有與當地聯繫，喺會上股神仲話：「相信我，我不會放棄印度」，以示決心。
明年考察有搞作？
其實以保險生意為主嘅巴郡集團，相傳只係因印度對外資保險公司諸多限制而遲遲未進駐當地市場，但喺過去幾年巴菲特間中都有與當地高層會面，更有人話佢其實與好多當地大企業嘅「話事人」好熟，仲估計明年三月係股神去印度考察嘅好時機。莫非到時會宣布一啲重要合作？大家惟有拭目以待啦！
余絲韻