高盛被美國證監會指控，拖累昨日亞太區股市下跌，內地股市亦在中央向樓市再落重藥而下挫。港股早段裂口低開，午後內地股市跌幅加劇，恒指一度失守21,300點水平。詩詩都算好彩，開市無耐中國環境資源（01130）竟逆市上升，以0.123元沽出200萬股，大跌市仲有錢贏，真係要好好慶祝。
大市連續兩日急跌，高位計恒指回落近千點，或可喘定反彈，詩詩留意番稍為大晒士股份，反彈可行先一步。光大國際（00257）昨日曾低見3.85元，收市前股價重上3.94元，力保不失，現水平可開始收集，作為中線投資。集團較早前公布○九年業績，若扣除一次性非經常收益的因素，核心業務實際增長24%，反映其環保項目已步入收成期。
光國去年取得10個新的環保建設項目，聯同年初至今取得的額外3個，合共13個項目，投資額達32億元人民幣，將在未來兩至三年內建成，屆時營業額將大幅提升。光國現價歷史市盈率約36倍，睇落高咗些少，不過多個項目今年陸續投產，今年預測市盈率將降至24倍。預期今年將有更多項目落實，可接受一定溢價。詩詩或於3.8元附近開始收集，跌穿3.6元止蝕，中線目標4.5元。
詩詩