大學股神Weekly：理性利用泡沫獲利

我相信唔少投資者一聽到「泡沫」兩個字都會感到擔心，擔心當「泡沫」爆破嘅時候會損失慘重。但係作為一個理性嘅投資者，我哋應該要明白泡沫存在係必然嘅事，畢竟在投資世界裏，資產價格很少情況是處於均衡（Equilibrium）狀態，更多的情況不是偏高就是偏低。因此，即使市場有泡沫迹象，投資者並唔需要急於離場，反而我哋可以選擇趁泡沫開始出現時買入股票，等待泡沫成熟嘅時候就賣出甚至沽空股票，理性地利用泡沫獲利。

不過，以上享受泡沫嘅過程，並成功從中獲利嘅投資難度極高，尤其是沽空股票嘅做法。這是因為嘗試估頂可以是一件極度危險嘅事，如果太早掉轉頭沽空股票的話，投資者很可能損失慘重。而且，投資者亦唔好期望自己能夠把握泡沫爆破前嘅最高點賣出股票，這係因為投資市場參與者眾多，我哋極難估計到其他人的心理及行為。

關鍵知足勿賺盡

我認為要想在泡沫中成功全身而退，除咗要擁有理性嘅思考外，最關鍵係心理因素要「知足」，千祈唔好幻想要成功賺取股市入面嘅每分每毫。

就以二○○七年「港股直通車」泡沫為例，有部分投資者喺港股急速由二萬三千點升至逾三萬點期間已經察覺到有問題存在，並沽出股票；惟當股市繼續上升時，佢哋一時抵受唔到誘惑，重新把資金再次投入股市，導致最後得不償失，損失慘重。

投資大師索羅斯曾經講過：「你可以很早便看到泡沫存在，但不能預測泡沫能持續多久。」我相信惟有擁有理性思考、知足心態及經驗，方能利用泡沫賺取財富。

洪龍荃

○四年時年僅十六歲，參加花旗集團舉辦的一個模擬投資比賽「少年股壇挑戰賽」，並勇奪冠軍，因而獲得「少年股神」稱號。年紀輕輕的他，在股市裏已賺到人生第一個100萬，並曾出版投資理財書籍以及獲頒傑出青年領袖名銜。他現時就讀中文大學英文系三年級。