老友仲話，佢喺農曆新年之前，去咗廣東省一轉，對國際金融危機嘅重大措施同成果進行咗一輪調查同研究，仲開咗個座談會，估唔到蔡董喺上實嗰陣時都忙到不得了，退咗休都仲係要咁忙，咁都啱嘅，蔡董除咗喺上實做過之外，之前喺上海市政府做過秘書長同埋計委做過主任咁，仲做過市政府研究室主任，正所謂能力愈大責任愈大，睇嚟佢真係要退而不休。

前老總「下海」風生水起

絲絲又諗起喺七、八年前「下海」從商嘅上實前行政總裁卓福民，上實老友話佢下海搞創投基金之後，成日都喺香港上海兩地飛，近排先嚟過香港，好似投咗個咩新能源項目同埋健康產業咁喎，睇嚟佢「下海」之後都撈得風生水起，佢哋啲阿總仲會時不時喺上海約埋一齊食餐飯，好好感情㗎。

余絲韻