詩詩無貨在手，見昨日英皇證券（00717）在跌市中表現硬淨，以每股平均價0.54元買入20萬股，若然走勢出現突破，唔排除再加碼。

大市靜過鬼，稍為有股份現鑊氣，即成為市場焦點，上市幾日的美克國際（00953），尋日吸引炒家目光，盤中曾高見1.64元上市後高位，雖然午後隨大市回落，收報1.51元，仍錄得5.5%升幅。美克招股時，IPO部分錄得逾400倍的超額認購，令唔少投資者對其有一定憧憬。可惜上市首日表現麻麻，僅較招股價升0.7%，令人失望。不過美克係運動用品生產商，料今年可繼續受惠於內需增加，同類股份如特步（01368）、匹克（01968）及361度（01361），上市後均有唔錯表現，現價平均較招股價升逾兩成，詩詩相信美克亦唔例外，呢個位買入，至少仲有兩成上升空間。

詩詩