本文重點
時富資產管理策略師李韻儀（Sonija）興趣多多，跳爵士舞、拉小提琴、打羽毛球、寫書法、學法文等都有涉獵，而佢最鍾意就係投資、跳舞及風水。風水？冇錯，原來Sonija自細就對風水命理好有興趣，依家佢仲向師傅學緊紫微斗數，幫自己及朋友測吓運程，佢話之前仲幫同事Patrick測過，發現都好準喎。不過Sonija就話，風水命理係用嚟測人嘅，測市就唔太好喇，因好難開盤。
大學轉讀經濟金融
講番Sonija最鍾意嘅投資，佢話正正係金融市場嘅千變萬化吸引到佢，讀大學時亦由會計與金融學科轉為讀經濟與金融。今年一啲行業獨特嘅股票仍然係佢嘅首選，例如部分去年上市嘅半新股等，但佢提醒今年投資首重資金流向。
余絲韻