新春全家通宵食齋

細個時Hilda家住佐敦，近廟街嗰頭，所以愈夜愈多人，但佢就唔多夜蒲，只有過年時玩得最夜，因為樓下街角係已拆卸嘅嘉禾戲院，嗰度會搞好多活動。「以前尖沙咀冇掛燈飾，聖誕節冇乜氣氛，所以最鍾意都係新年，年初一至初三可以着新衫、換新鞋，屋企又有好多布置。」講到最奇怪嘅習慣，係過年時凌晨4點會全家總動員通宵食齋，由於朝早家人太忙，要整四、五底蘿蔔糕、又要封利是等，每年都會搞到好夜，所以索性再食番餐，食齋呢個習慣直到依家都冇變。

嚟緊新年Hilda話唔放長假，反而會好好部署呢一年戰略，去年公司稅貸成績滿意，借出貸款打破歷年紀錄，甚至勁過○七年嘅金額，目標係尋求穩健中有一定增長，一年勝過一年。

余絲韻