林志玲代言兩品牌

Full Pearl旗下嘅「愛意」及「愛魅」係高檔次女性服裝及鞋類品牌，產品針對20至35歲嘅時尚女性，喺內地一、二線城市有超過180個銷售點。絲絲翻查呢間公司嘅網站，發現「愛意」個名係由英文名「Aee」翻譯過嚟，而達芙妮係台商，咁啱「愛意」嘅代言人係台灣名模林志玲，大家係鄉里，日後唔知有冇機會做埋達芙妮嘅代言人呢？

Full Pearl代理嘅其他品牌例如加拿大ALDO及美國Jessica Simpson，喺內地有13間自營店。達芙妮主席陳英杰話，好開心成為Full Pearl嘅主要股東，可進一步發展內地高檔次鞋類市場。達芙妮以1.3億元認購Full Pearl嘅40%新股，另以6,500萬元向現有股東認購20%股權，預期今年首季完成收購。

余絲韻