Nanoq係愛斯基摩語對北極熊嘅稱呼，除咗凸顯呢款車與吉利熊貓有「熊」字輩關係外，更重要係反映新車夠晒勁，據悉Nanoq極速可高達130公里，喺滿電下更可持續行使200公里，一改外界對電動車弱質纖纖嘅印象。Nanoq早前更率先喺丹麥哥本哈根氣候會議亮相，睇嚟Nanoq喺短期內推出市場之說並非空穴來風。

壯業大計早有部署

吉控近年國際化進程可謂一日千里，都係有賴李書福嘅遠見。吉控前執行長徐剛近日就向媒體透露，早在○二年佢剛加入吉控時，李書福就已向同事表示，歐洲老牌車廠富豪及紳寶（SAAB）被美國汽車巨企購併，遲早會成為美國公司嘅包袱，吉控未來要壯大，就要為收購呢啲車廠作好準備。

果然到咗○七年，李書福首次向福特表達收購富豪嘅意願，雖然當時未獲回應，但已顯示李書福對於收購富豪係經過深思熟慮，並非衝動派人士。

余絲韻