本文重點
東亞運動會日前開幕，新地（00016）除咗旗下商場喺開幕當日直播典禮外，仲請咗200位基層兒童同家庭一齊睇排球比賽，等佢哋可以參與盛事添。
商場搞慶祝派禮物
新地同聖雅各福群會舉辦咗「東亞運比賽觀賞團」，邀請咗差不多200位來自天水圍、元朗、深水埗同葵涌學校嘅基層小朋友，免費睇東亞運排球比賽，仲請咗近百名新地義工隊隊員陪佢哋添!
新地義工隊領袖梁麗慈希望班小朋友可以親身體驗東亞運嘅歡樂，開闊眼界，可以學到書本以外嘅知識。
除請小朋友觀賽外，新地旗下嘅商場亦有為東亞運打氣，九龍apm、將軍澳東港城、大埔超級城同埋元朗商場，喺開幕當日舉辦馬拉松式慶祝活動，請埋流行嘅hip hop啦啦隊來打氣，仲跳埋動感火舞、花式運動同埋武術等表演添。
雖然聖誕未到，但新地就向現場觀眾大派禮物，派發各式各樣嘅東亞運紀念品，務求大家開心。
余絲韻