波叔工廈改用途增值

代理話，呢類車位月租大概2,500元，租金回報率高達6至7厘。另有財務機構同銀行合作，提供七成按揭，年期最長20年，按息最優惠利率（P等於5厘）減1.5厘。

工廈活化至今仍未有具體詳情，唔少業主寧願自己諗計增值。有老友同Vincent講，一向善於為物業增值嘅「舖王」鄧成波（波叔），啱啱入紙城規會，申請將觀塘駱駝漆大廈3座地下工場2及3號連儲物閣樓，改為商店及服務行業（銀行）等用途。有代理老友估計，若上址成功獲批，每月新租金可達50萬元左右，較現時躍升差不多1倍，收租回報將達5.5厘。

翻查資料得悉，波叔月前斥資1.1億元購入上址，單位面積共約9,500多方呎；而多年前原業主曾申請上址部分改作辦公室及零售等用途，惟於二○○○年遭拒絕。

（Vincent Lau）