多事之秋下選理事

根據公會規定，現任7名理事須卸任，但可以再選。7名理事包括公會前會長區嘯翔、現任副會長趙麗娟及馮英偉、陳美寶、丁偉銓、龔耀輝及Keith Pogson。除咗區嘯翔外，其餘6人全部會再選尋求連任，至於其餘兩名生力軍，其中一人就係馬振峰。

由於只有兩名執業會計師參選（陳美寶及Keith Pogson），兩人自動當選。換言之，今次選舉其實只係6人選5席。

講番公會近排掀起嘅話題，好似行政主導咁，公會發言人就同絲絲解釋，話雖然係取消咗唔少委員會，但亦增加咗專家或顧問小組，原意係增加彈性及效率，等多啲人可參與。至於喺H股接納內地會計師方面，公會雖然支持，但亦有提出關注唔少事宜，好似監管問題等。

余絲韻