大市熾熱氣氛停不了，恒指重上22,000點當然有好大幫助，熱錢持續湧入，內地股市回升，一切都構成利好嘅環境。
家陣氣氛咁好，除咗藍籌股持續上揚外，一眾股仔亦即時蠢蠢欲動，尋日所見可以講係花開遍野，啲股仔真係禾雀亂飛，最開心莫過於場邊班鑊鏟友，東炒一轉西炒一轉，真係樂此不彼。
現時炒股主要係炒國策，港股現時內地元素愈來愈重，所以我哋都要炒國策股。早前發改委出晒聲，指環保能源未有產能過剩問題，即是寓意大開綠燈，新股卡姆丹克（00712）銷售太陽能晶片，在國策支持下前景相當美好，加上今期新股當炒，收咗咁多日貨，尋日終於開車，街上無蟹貨自然好炒，基金大戶埋晒位，睇怕唔見2.6元都唔收手，近期低位1.6元，可作為止蝕位。
古晨