本文重點
絲絲仲記得兩年前「少女股神」王雅媛喺大學生投資比賽，成功將100萬模擬本金炒到變2,000萬，因而一舉成名，依家佢仲喺證券界發展得好唔錯。今年嘅大學生投資比賽就快舉行，據大學模擬投資比賽籌委會嘅委員話，今次比賽唔係炒港股，而係炒今年升到你唔信嘅黃金及白銀，唔通今年要選出學界商品大王？
月中開戰激鬥3周
據講比賽由尋日開始接受報名，第一日就有200幾位同學報咗名，籌委會仲預計兩岸三地會有5,000名參賽者報名。
比賽日期由本月十六日至下月四日，一共3個星期。同以前有少少唔同，今年嘅參賽者主要炒黃金同白銀，槓桿最高有成100倍，參賽同學可以自己揀模擬投資金額，進行風險控制，情況就好似真金白銀炒賣咁刺激。獎品方面，冠、亞、季軍分別有1萬元、5,000元及3,000元現金獎，而第4至第10名都可以有1,000元現金獎。
余絲韻