金融富豪榜門檻降

今年嘅金融富豪榜與去年一樣，選出25名富豪，總財富為909億元，而上榜嘅門檻由10億元降至9億元。25位榜上有名嘅富豪中，有6人持有民生銀行股份，有5人持有平保股份，所以分成「平安系」及「民生系」。

不過喺金融海嘯下，榜上富豪已減持手上股份套現，好似立業集團嘅林立喺過去一年曾經減持平保，巨人集團老闆史玉柱曾減持民生銀行及華夏銀行，所以今年佢哋嘅排名較去年有所下跌。

講開富豪，原來巨人集團老闆史玉柱曾經喺過去一年肥咗30公斤，為咗挑戰自己肥胖嘅身體，佢去咗西藏旅遊，雖然唔知佢有冇瘦咗，但係經過今次西藏之旅，佢領悟到人生道理，體現原有嘅生命力，重新體會當初創辦公司時嘅激情、熱忱及創造力，重新將公司定位。

余絲韻