絲絲知道，恒生銀行（00011）每年都會進行員工調查，今年嘅調查結果顯示，恒生員工對各個範疇嘅滿意程度都有所提升，而反映員工對恒生熱誠投入度及敬業度嘅指數Employee Engagement Index（EEI），就由去年嘅78%進一步升至今年嘅86%。

88%「甚少向外求職」

絲絲睇過呢份調查嘅內容，裏面問答嘅範疇由公司策略和願景、企業領導、直屬主管，以至個人工作、工作與生活平衡、薪酬與福利都有問到，對於各個問題，恒生員工嘅正面評價比率都有70%以上。

仲記得喺今年八月，恒生副董事長及行政總裁梁高美懿透露，該行由去年九月至今年三月都無裁過員，只係有員工自然流失。今次意見調查其中有一條問題就問員工「甚少向其他公司求職」，竟然88%都答「係」，比起○七年嘅42%以及去年嘅80%都高好多。喺經濟最困難嘅時候都唔裁員，難怪佢哋員工咁滿意。

余絲韻