剛剛市場氣氛有所好轉，美股就連續兩日玩插水，真係玩死班鑊鏟友，尋日港股雖然早段勁插成600點，但市場氣氛大致良好，啲股仔秩序都唔錯，最難得係部分股仔逆市炒上，唔通啲股仔開始第二春？
早前一句產能過剩，令唔少環保概念股被投資者打入冷宮，股價飽歷風霜，好彩後來國資委出來表態，指環保項目並無產能過剩問題，等同中央大開綠燈，一眾環保能源股，即時鑊氣四起。興業太陽能（00750）主攻薄膜光伏技術，係行內嘅表表者，上半年業績交唔到功課，主要係扶持政策五月才生效，下半年大有機會見真章。事實上，環保概念仍係市場炒作嘅主流，現時股價重拾動力，有勢唔怕追，短期大有機會炒上4.5元，而止蝕位不妨放在3.2元。
古晨