雖然內地第三季GDP錄得8.9%強勁增長，但九月份CPI及PPI按月轉為正數，通脹壓力增加，市場擔心中央閂水喉。恒指昨跌107點，報收22,210點。詩詩相信大市稍作整固後可再挑戰高位，所持兩隻貨表現尚算硬淨，暫時按兵不動。
金科數碼（00922）昨日復牌，拍板落實發「死人財」，宣布以總代價20億元，收購上海金山區一個殯儀項目的55%股權。該項目地盤面積不少於1,000畝，金科將向相關中國機關申請發出新營業執照，並申請批准於項目土地進行殯儀服務。興建及出售墓地係一次性收入，不過墓地賣出後，每年仲繼續有管理費收，呢條數至係公司未來「現金牛」。
金科呢個項目幾時幫公司賺大錢，目前言之尚早，但成功轉型，係為未來錢途殺出一條新血路，況且新股發行價0.65元，較現價仍有溢價，只要交易唔出岔子，股價一定炒高過0.65元呢個價。
詩詩