而近排市場亦多咗中小型商場部署開業，好似尖沙咀彌敦道36至44號嘅地庫商場原名update mall，經周大福集團重新裝修後易名「活方」，下月正式開業，該集團董事鄭志恒話，項目投資額達1億元，喺上個月試業嘅反應唔錯，十‧一長假至今人流有15萬，人均消費800至1,200元，拍得住唔少大商場。佢又話，活方佔地約4萬方呎，可租樓面約2.6萬方呎，目前已租出八成，呎租約120至150元。

地產代理破產飆六成

地產代理監管局（下稱地監局）今年頭九個月接獲地產代理破產個案有91宗，對比去年同期嘅57宗激增近六成，不其然令人聯想到代理破產係咪同炒樓，以致無力供樓有關。地監局執行總監黃維豐同Vincent講，過去嘅經驗，代理朋友欠債多數只是卡數疊卡數，欠下數十萬元信用卡債務而申請破產，超過200萬元欠債的個案其實唔多，相信代理參與炒樓而搞到破產嘅比例唔多。而黃Sir更自爆，佢昔日喺警隊專責處理警員破產個案，由於管理得宜曾獲頒發嘉許獎狀。

（Vincent Lau）