尋日恒指失守住21,000點關，但於低位見有承接，最終跌幅收窄至229點或1.08%，收報20,932點。詩詩手上嘅貨跟住個市回吐，國美（00493）跌0.88%，大冶有色（00661）跌2.13%。不過個市都係無乜方向，所以坐住先，睇定啲再算。尋日詩詩都係吼住防守性較高嘅公路股，寧滬高速（00177）喺跌市之中，表現尚算穩健，全日升1.39%，收報6.56元。
寧滬高速中期業績整體表現穩健，純利升近14%至9.85億元人民幣，雖然公司上半年受宏觀經濟環境影響，以致江蘇省內貨運需求及貨車流量低於去年，但隨着經濟復甦，道路車流量有望得以增加，而且公司根據地江蘇省的高速公路貨車調整收費標準，按車輛重量收費，預期有助寧滬高速提升收入。
早前國務院通過《江蘇沿海地區發展規劃》，相信公司可因而受惠，加上，國家大力發展運輸基建，詩詩相信寧滬高速可有力追落後。
詩詩