Webb指學位非認可

David Webb嘅公告中指出，「曾博士」所修讀嘅英國艾登威爾大學（Edenvale University），並非頒發學位嘅「認可機構」，因為喺英國政府所屬嘅商業部、創新與技能部門之下可頒發學位機構嘅列表中，完全搵唔到呢間大學嘅名。

David Webb又質疑，曾金穗嘅博士學位可能係追頒所得。絲絲見咁大件事，梗係即刻想搵番當事人或真明麗主席澄清，可惜班高層連同當事人好似預知8號風球打到嚟咁，喺會議後已迅即返回內地，只係透過公關方面回應話，公司肯定曾博士通過有關程序及要求之下先取得博士學位，相信曾博士嘅能力、專業資格及對公司未來發展嘅貢獻。

有網站朋友就搵到真明麗首席財務官陳璋，佢話「要先再看曾博士嘅證書再作評論」，但佢亦補充，「咁並唔會影響佢（曾金穗）做首席執行官，我哋看重佢喺LED（發光二極體）嘅行業成績。」

余絲韻