「海嘯冚埋嚟，無人走得甩，不過唔死得。」一直是香港樓市大好友的顏偉洪，認為每次金融危機到來，可說是無人可以幸免，但香港永遠是最快復甦的地方之一，而且經濟和人生一樣起跌無常，要學懂逆境到來時「睇化啲」。
運氣加實力，顏偉洪逍遙於海嘯之外，「我喺海嘯前賣咗層盈翠，貝爾斯登因次按出事，但唔畀我走，要留到六月拎埋遣散費先走得。」問他對這幾份工有無遺憾？其回答竟是：「遺憾工接工好緊迫，中間無得放長假。」
事業只是次要
顏偉洪解釋，自己做了分析員已經二十多年，過去拚命工作已經超標，閱歷多了，現在學懂要放慢少少，「我依家事業係次要，首位係好好善用人生，得閒做吓義工咁。」
在地產股分析員中甚具人氣的他，會否趁現在市道好轉，考慮重投外資行懷抱？「現在我公司是建行背景，中資最穩陣，做好份工，培訓後輩，已經好滿足。」不斷自稱已經「好化」的他，化到還未想成家立室，說要與女友繼續愛情馬拉松。
工作「搵兩餐啫」
顏偉洪現在尚有三層樓在手，一層自住，兩層收租，問他現在會否入市？「升得太急，依家樓價太貴啦，唔會買，睇定啲先，但長遠仍然看好香港樓市。」面對金融市場和同行的競爭，他說：「唔使咁認真，大家出嚟搵兩餐啫，更何況，我每日只係食一餐嘅啫。」
顏偉洪的分析員生涯
96-06年 在BNP百富勤任職約10年，最後晉升至研究部董事
06年7月 德銀證券亞洲區房地產市場主管
07年6月 貝爾斯登亞太區房地產研究部主管
08年6月 建銀國際研究部執行董事