雖然恒指昨日創下今年高位，惟跟隨創新高之股仔卻不多，當中更有唔少係水瓜打狗，唔見咗一截。今次大市飆升，跟八月時氣勢完全唔一樣，今次只見指數成分股升，相信唔少鑊鏟友都幾無奈，有時炒股係講氣氛，一旦氣氛過咗，就算大市係咁升，唔係嗰種品味就唔係嗰種品味。
內地出口美國紡織品，自三月起有谷底回升之勢頭，市場普遍認為是復甦之象，作為原材料商的儀征化纖（01033），第二季盈利能力大幅提高，帶動上半年業績超乎市場預期，市場普遍預期在內地紡織業復甦帶動下，儀征盈利能力轉趨正面。過去多年，儀征業績表現參差，令股價大大落後，現時市場炒追落後股份，儀征食正條水，不妨小注一試，博佢炒番上2.4元，止蝕就放1.8元。
古晨