原來兩個重建項目內嘅舊樓都建於上世紀五十年代，同樣有61個受影響業權，其中北帝街項目佔地約8,353方呎，市建局已經傾好，將可取得其中52個業權權益，尚餘1個商舖同8個樓上單位未搞掂；至於浙江街項目佔地9,989方呎，收到嘅物業權有54個，仲有7個樓上單位未收到。市建局話，如果最終唔能夠以私人協商方式收齊業權，就會引例收地。

時代廣場優惠內地客

今年十‧一黃金周加上中秋佳節，成為商場搶客的黃金檔期，其中銅鑼灣時代廣場大搞針對內地旅客嘅消費優惠，喺十月一至八日期間，只要出示旅行證件，即可換到一本附有消費優惠嘅指南，另外首30個每日累積消費達3萬元或以上的旅客，可獲免費坐7人車直接過境到落馬洲關口。

（Vincent Lau）