依家潮流興講「等價交換」，咁股市又係唔係一個等價交換的地方呢？小尾對於呢點有保留。自問買股票梗希望可以買得物有所值，賣則賣得物超所值。不過，當中牽連甚廣，淨係心理質素呢部分經已係一門好深的學問。
尋日大市就再來一個「大」單日轉向，恒指雖曾一度跌穿20,000點水平，但午市回來，在內地、日本股市雙雙做好帶動底下，恒指亦見回升，重上20,300點水平樓上。之不過，全日最為巔波的莫過於一眾細價股，唔少股友都不敵震倉，最後選擇了損手離場。
此舉令人不期然諗番起，早前在討論區上成熱話的「買股六部曲」，即係一睇就升、一升就追、一追就跌、一跌就驚、一驚就斬、一斬就彈。相信此時此刻，經已引起唔少股友們的共鳴。你呢？
（小尾）