至於香港同業，上半年嘅經營表現亦較預期好，加上年中新股市場大旺，唔少人入大飛認購新股，卜架行生意確實係唔錯。

佣金低仲要孭數

雖然股市暢旺，但卜架行業競爭依然激烈，早前筆者就聽聞，有卜架因為不滿公司行政頻出問題，成條枱嘅卜架起身轉會，估唔到新公司佣金仲低，只係收0.02%，而行內最低嘅係收0.01%，內行人稱為「一滴兩滴」﹗當然，呢類卜架每月仲要孭一定嘅成交額。

依家個市咁熱炒，屈指一算，閒閒哋一個卜架日做兩千萬成交，十個都做兩億，照咁講，最肥嘅應該係港交所（00388）至真！

余絲韻