薛琦借太座硬銷ETF

同一般上市公司喺掛牌嗰晚舉行祝捷酒會唔同，尋日發行商寶來證券率先舉行咗酒會，現場嘉賓冠蓋雲集，台灣證券交易所董事長薛琦亦親自來港見證歷史，本港銀行、證券公司及台府駐港機構均出席畀面派對。

最令絲絲覺得新鮮嘅係，現場有好多中資嘅銀行及投行代表，好似交行（03328）、建行（00939）、工行（01398）、海通證券、招商證券等，幾乎數得出嘅中資行都嚟齊晒。咁又係嘅，內地投資者等極都等唔到香港或台灣嘅ETF去內地掛牌，惟有透過內地駐香港嘅金融機構搭吓橋，雖然係間接咗啲，但都可解到渴嘅！

薛琦嚟到梗要推銷吓隻ETF，佢透露話，佢夫人嘅投資組合中就有一隻台灣卓越50基金，大家明啦！

余絲韻