遊以國西藏體會深

絲絲知道，王石計劃寫一本紀念登山10年經歷嘅書，但有兩件事已經改變咗佢，第一件事係去年十一月以色列之行，第二件事係去年萬科嘅境遇。今年一月佢再次去耶路撒冷之後，決定新書以哲學及宗教精神，反思企業與人生意義為主題。

王石接受內地傳媒訪問時話，去年提出「拐點論」後面臨巨大壓力，決定去西藏雪山，佢又話入山時心裏不安，唔知道下一步點做，又想起以前地方政府舉行房地產會時，一定預埋萬科，依家再無叫萬科到場開會，與地方政府關係起咗變化。之後發生「捐款門」事件，即係輿論質疑佢喺四川地震嘅捐款不足事件，引發唔少爭論。王石話去耶路撒冷受到一種精神震撼，令佢不能自拔，印象最深係猶太人大屠殺紀念館，令佢反思人生之餘，又反思自己公司何去何從，有好大嘅得着。

余絲韻