隔晚美股插水，港股市場氣氛已經唔多「靚仔」，不過恒指在內地股市帶動下反彈，惟股仔卻突然出現一場小型股災，保興（01141）收購中建重工一事出現咗變數，令股價暴挫五成，而且更拖累其他股仔一起斬倉，唔少熱炒股都慘跌一成以上，鑊鏟友真係個個睇到呆咗。即使下午大市有反彈，惟股仔嘅陰霾未散，反彈力度好麻麻，短期真係咪亂咁多手。
股仔熱炒過一陣，睇怕係時候休息吓，近期農產品價格急升，相關嘅農業股自然可看好，中海化（03983）背後有母公司中海油集團扶持，自有一定優勢，早前斥資近7億元購入陽坡泉煤礦49%的股權，有意加強成本控制，理應係好消息，近日急跌後見反彈力度不弱，暫向上睇5.5元，止蝕位可放於3.8元。
古晨