大把平貨睇好中港

佢接受絲絲訪問時仲話，市場仍有好多超賣股份，值得趁低吸納，但依家經濟未明朗，自己投資策略都偏向保守，時至今日仲手持現金，直到經濟真係穩定落嚟先主動出擊。佢強調投資之道係想法子儲蓄，準備充足資本，佢對中港前景好有信心。

已退下商界前線嘅安娜貝拉現長居倫敦，會去企業、慈善機構同學校演講，佢同時係女性世界紀錄保持者，曾一年內征服世界七大峰及南北兩極，不過作為單親媽咪，依家最重要始終係家人，尤其係兩歲女兒伊沙貝拉。

女強人跑沙漠馬拉松

佢為咗伊沙貝拉暫時放棄攀山運動，抽多啲時間陪伴個女。反而最近佢玩番長跑，啱啱參加沙漠極端馬拉松（Desert ultra marathons），賽程成250公里咁長，和黃前大班馬世民喺○六年曾經玩過呢項沙漠極端馬拉松，因為要喺酷熱天氣下跑步，真係越野狂熱分子先會明白，佢話就係鍾意短時間內可挑戰自己體能喎。

余絲韻