港股破頂，過去數日間狂升逾2,000點，昨日企於19,500點高位，力度依然強勁，游資過多，熱錢四出搵嘢買。自內地重開IPO後，A股炒風再現，A股愈升愈高，相對低殘嘅H股，基金大戶自然唔會放過，繼上禮拜勁炒股仔後，今周啲熱錢似乎想搵啲正路股來炒，故不妨留意吓啲大戶增持手影。
講開大戶增持，晶門科技（2878）過去兩個月不停被中國電子信息集團增持，買吓買吓持股量由5%增加至15%，中國電子買夠未，古晨就唔清楚，不過街貨買少見少係事實，加上大戶不停收貨，其他基金自然亦加入戰團，在貨乾下隨時可以爆上。近期納指連升七日，科技熱炒個不停，隻晶門一穿0.7元，必見1元，最多跌穿0.63元就止蝕。
古晨