港股雖受美股拖累而下跌，不過股仔氣氛卻見好轉，唔少股仔經過一輪調整後，已見資金埋位炒上，完全唔似跌市。經過三個月急升後，好多大價股現價吸引力一般，相反股仔過去跌得過殘，加上市值細，又計劃多多，相對吸引力較大，故今次恒指下試17,600點現支持後，資金爭相追入有潛質嘅股仔。
中航科工（02357）本身屬二三線國企股，過去雖然有母公司中國航空工業集團作為後盾，但業務卻集中在汽車領域上，一直從母公司身上得益唔多。不過，近期有消息指集團有意重組業務，並銳意打造成為民用航空產品製造旗艦，而股價亦借注資概念炒上。消息一日未炒完，股價都會偏強，暫時先睇3元，如果跌穿1.7元才作止蝕。
古晨