蒲友啱傾
有鍾意夜蒲嘅靚女認為，如果要揀男友嘅話，就要揀番玩得埋嘅蒲友。好似面前呢位差唔多每晚都蒲天光嘅靚女瑩瑩咁，佢就係其中一個支持者。
瑩瑩就話：「我最鍾意約埋大班朋友，一齊落的士高或酒吧，貪咁樣最夠氣氛，大家又玩得投契。由於我鍾意夜蒲關係，故此畀我揀嘅話，一定會揀番個同我一樣鍾意夜蒲嘅男人！」有姊妹曾經講過，鍾意夜蒲嘅男人畀唔到安全感佢，可以揀嘅話，一定唔會揀蒲精，唔知瑩瑩點睇呢？瑩瑩認為：「其實感情係咪融洽，同夜蒲冇乜關係，最重要就係兩個有冇偈傾。就以我為例，如果對方唔鍾意夜蒲嘅話，就真係冇乜話題。」原來瑩瑩揀蒲精做男友，係因為佢哋啱嘴形。
言語投契
聽到瑩瑩咁講，坐喺對面嘅另一位靚女玲玲亦點頭道：「溝通真係好重要，如果男友唔鍾意夜蒲嘅話，就算佢嘅外形同性格幾好，都難以深入地發展落去。好似我嘅前男友咁，起初覺得佢斯斯文文嘅性格，係我心目中理想嘅對象。後來佢同我講非常討厭我夜蒲，希望我能夠抽多啲時間陪佢。開頭嗰幾個禮拜都可以做到，但久而久之發覺經常見面，話題亦愈嚟愈少。更何況我有咁多朋友，又咁後生，冇理由咁快就龜縮喺屋企，令生活圈子變窄，於是我把心一橫同佢分手！」
睇嚟玲玲同前男友分手嘅原因，係因為同佢話不投機。玲玲坦言道：「冇話題對感情真係有好大影響。以前鍾意夜蒲，係因為可以同大家吹吓水，講吓呢個場有乜好玩同唔好玩之餘，又可以分享一下心事。故此，如果依家叫我揀嘅話，我一定會揀個同我一樣鍾意夜蒲嘅男士，除咗有共同話題外，亦可以同佢一齊玩，有事起嚟可以保護我。」
齊齊玩樂
雖然兩位靚女都希望揀個志同道合嘅男友，但佢哋有冇擔心，蒲男絕大多數都係花心，加上夜場多索女，萬一佢哋把持不住嘅話，咪好容易趁機偷食？瑩瑩笑道：「我又真係唔擔心喎！首先，我對自己非常有信心，唔覺得自己質素會比其他蒲妹差。其次，我覺得唔單止蒲男，其實每個男人都係花心，有機會就會溝女。既然係咁，我哋何不睇開啲，最重要就係偷食識得抹嘴，食完識得返屋企。」
對於瑩瑩嘅講法，玲玲非常同意：「既要同佢一齊玩，又要無時無刻睇實佢，睇吓佢有冇出軌，呢種相處方法非常辛苦！因此我覺得，反正佢只要有機會就出去滾，何不放開心情，佢有佢溝女，我有我界仔，各自各精彩咪仲好？可能畀我遇到個更好嘅都未定呢！」
瑩瑩Profile
年齡：21
身高：5呎3吋
三圍：33、21、33
強項：動感靈蛇
玲玲Profile
年齡：23
身高：5呎4吋
三圍：34、22、34
強項：盤蛇玉腿
撰文：阿豪
攝影：強