恒指18,000點關尋日再一次得而復失。大市早段雖曾一度上升，但最終都缺乏動力，跌市收場。由於有消息指，內地或會收緊二套房貸，從而降溫樓市，因此昨日內房股調整相對比較深，好似上海復地（02337）、上置集團（01207）、及中國奧園（03883）更齊齊打進二十大跌榜之中添。
講番市場消息，G8峰會將於今日開幕，雖然現時市場相信全球經濟正在逐步復甦，又認為金融海嘯所帶來的影響已被慢慢撫平，但個人認為，金融海嘯始終牽連甚廣，咁快下定論「影響已經平定」，實在未免太過輕率，故認為G8峰會對危機應對、貿易保護等話題的討論仍然值得大家關注。
況且，適逢港股過去幾個交易日，都呈牛皮局面，新股又總算經已炒過一輪，故認為今次會議，就正好為市場帶來一定炒作藉口，不妨留意進展，發掘一下。
（小尾）