本文重點
近排新股熱潮再起，散戶個個忙住抽新股，主要搞天然氣發電嘅琥珀能源（00090）就威到盡，公開認購竟然超額成1250倍，成為香港開埠以嚟第4隻超購逾千倍嘅新股。好多人唔明琥珀同發電有乜關係，唔講唔知，原來琥珀喺古拉丁文嘅意思原來就係「電」喎。
古拉丁文意思係電
琥珀其實係遠古植物形成嘅化石，係一種透明光亮嘅珍貴礦物，不過就好少人知琥珀呢個名原來係來自古拉丁文入面嘅詞語—─「電」，皆因古人發現只要兩塊琥珀互相摩擦，就可以產生電力，所以索性將呢舊礦石命名為琥珀嘞。
琥珀原來都係中草藥嘅一種，魏晉南北朝名醫陶弘景所寫嘅《名醫別錄》就話琥珀入藥有去驚定神嘅功效，不過睇琥珀能源招股反應咁Hot，股民都唔使定驚啦啩？
余絲韻