本文重點
三金藥業昨日招股市場反應不俗，加上A股最近愈升愈有，令內地證券界相信下半年一定有大把淘金機會，大家都已經開始紮好馬步，準備大展拳腳。金占士聽內地魚缸界友人講，公司最近大肆招聘人手，由研究部、投行部到客戶部全部有職位空缺，至於最搶手的保薦代表人，公司更加開出百五萬的轉會費以表誠意。
本港金融圈精英幾個月前還深受大信封恐懼症之苦，但聽老友話，祖國同業日子就相對輕鬆得多，事關內地魚缸界經歷過五年大熊市，心理承受能力大幅提升，而且在勞工法保護下，就算大市飛流直下，指數大跌六成的時候也未曾出現裁員浪潮，現時內地股市大復活，更加有不少公司開始大肆招兵買馬。
轉會費增至百五萬
不過，新股發行重新啟動，最吃香的還是保薦代表人。老友話，其實間間公司底薪相差不大，不過最吸引的是，原來保薦代表人好似球星咁都有轉會費，而且因為最近IPO重啟，轉會費已經由舊年低潮時的六、七十萬，跳升到百二萬至百五萬，所以近排好多人都心思思想轉工。
老友話，出名的證券公司情況會好少少，中小型券商老總就頭都痕埋，個名唔夠人響，要請人或者留人就惟有大出血。
金占士