中視金橋（00623）嘅主席兼執行董事陳新話，該公司之所以叫做中視金橋，係希望公司可以成為中央電視台同埋廣告客戶之間一個良好嘅廣告橋樑，成為最佳嘅廣告代理商。
廣告橋樑連接央視
中視金橋喺○八年嘅年報入面話，要用專業及誠信，成為廣告客戶通向全國及全世界嘅播放平台。黃金有一種磅礡嘅氣勢，畀人一種好穩陣嘅感覺，因此坊間成日都有人用「金漆招牌」嚟比喻一家公司信譽良好，中視金橋嘅「金橋」二字，睇嚟係想畀大家一個好着重誠信嘅廣告橋樑公司形象。
由九九年開始，中視金橋一直與央視保持長期嘅合作夥伴關係，喺近幾年更加係獲獎無數。
余絲韻