本文重點
貴為國際都會嘅香港，除咗樓價貴外，原來停車場嘅泊車費亦係貴絕整個亞太區，並躋身全球五大泊車費最貴嘅地區，睇來Vincent都係時候考慮賣咗部車，減輕吓負擔。高力國際報告話，現時英國倫敦市仍然係全世界泊車最貴嘅地區，市內停車場非預留車位嘅月租中位數雖按年跌13%，但仍達1,020.29美元，而全球排名第四位嘅香港，車位月租中位數係748.2美元。
台商掃莊中東莞盤4伙
近年香港經濟雖然衰退，但泊車費就無平到，仲按年升咗1%，高力國際盧永輝話，主因係市場無新供應，令停車場收費高企不下。
至於全球兩個泊車最貴嘅地區都係位於英國倫敦，除首位嘅倫敦市外，其次係韋斯滕德，車位月租中位數係955.51美元，比起去年跌16%。
過去十幾年，台灣商人積極喺東莞設廠生產，雖然面對金融海嘯衝擊，但係仍然有唔少台灣廠家依然睇好後市，入市大手掃貨。
莊士中國（00298）盧永祥同Vincent講，啱啱有個台商斥資約240萬元（人民幣‧下同），買入東莞莊士新都‧濱江豪園第8座29樓全層一共4伙，每方米做價差不多6,300元，喺當地新盤中算好好價。佢仲話，過去周六、日該盤火速累售約30伙，套現約1,500萬元，當中港人買家超過一半。
（Vincent Lau）