大連海事大學多精英

傅育寧話，今次特登將呢艘商輪模型送畀大連海事大學，主要係賀佢哋百年華誕，同時亦象徵招商局同呢間大學嘅歷史淵源。原來家陣中國航運界六、七成嘅尖子都係出身大連海事大學，除咗傅育寧呢位航運界無人唔識嘅人物外，中遠集團董事長魏家福都係呢間學校培訓出嚟。

講開呢間學校都有段古，大連海事大學前身其實係招商局喺一八九六年創辦嘅南洋公學，至一九○九年呢間學校設立咗「船政科」，亦係中國航海高等教育嘅開始；到一九一一年，又以船政科做基礎，籌建咗「郵傳部高等商船學堂」，後來改名做「吳淞商船學校」，由嗰時開始，呢間學校就一直扮演主要向招商局甚至中國航運界輸出精英骨幹力量嘅角色，亦即係依家嘅大連海事大學嘞，唔怪得傅總要親自送隻模型船畀學校啦，原來咁有意義嘅。

余絲韻