近日國際原油價格回升，上周更曾高見每桶62美元水平，因此中石化（00386）董事長蘇樹林表示，石油價格超過每桶60美元，而國內價格則維持不變，該公司將面臨挑戰，旗下煉油業務更會出現虧損。其實，只要大家細心咀嚼一下呢番說話，相信或多或少都聽得出，市場係幾咁憧憬成品油加價一事啦。嗱，發改委已正式宣布提高航空煤油出廠價格，成品油價上調應該不遠。
講番大市，上周五港股低開後跌幅持續擴大，恒指最低見過16,740點，一連跌穿兩個重要關口，而一眾近期熱炒之股仔都明顯見調整。之但係午市回來，跌幅明顯收窄，最終17,000點關更加失而復得添。走勢上，上周五一下深度調整過後，尾市買盤又見積極，似乎今日大市走勢仍不宜看得太淡，加上銀公又指暫時未見熱錢流出本港，相信在本周三期指結算之前，好友們都仲有發圍機會。
（小尾）