美元果然急插，隻鎊何止見1.57呀，連1.58都破過，歐元都見過1.38。前日市場借啲公司盈利好過預期，挾咗隻鎊上去1.54，諗番轉頭，根本就係藉口。
前日我見隻鎊係咁試1.55，而且企喺上面好耐，所以喺1.5510揸多一手，仲擺晒止蝕盤喺1.56同1.57。咁咪即係賺300幾點？唔係喎，因為中途我喺1.55三十幾平倉，之後喺1.55八十幾平埋。原本見佢企穩1.56，諗住揸番，但冇做到，如果上到1.56五十幾，更加唔願入市。
聯儲局嘅會議紀錄顯示，當局喺上次會議中考慮過增購債券，即係泵多啲錢出市場，消息令美元即散。尋日見隻鎊挾嚟挾去都企唔到上去1.58，朝早喺1.58沽咗一手，晏晝最低跌到1.57六十幾，臨近英國公布零售數據前，隻鎊突然急插，原來係標普將英國嘅前景評級，由穩定調低到負面，後來見隻鎊隊到1.56邊，於是喺1.5618平咗倉，之後見歐元企喺1.37九十幾，於是喺1.3795沽咗一手，博佢跌埋落去！
蘇小妹