本文重點
儲蓄存款利息不斷「縮水」，不過樓按息率就創歷史新低水平，吸引唔少資金流入本地房地產市場，香港置業行政總裁李志成同Vincent講，根據土地註冊處數字，今年截至本月十九日近五個月內買入單位，並成功轉售的宗數有537宗，比舊年七至十二月五個月內錄到的475宗，多咗一成三，同埋當中有86%係帳面賺錢離場。
恒地商場派抗流感飲品
李志成話，反映今年首五月投資者買入物業短炒的情況比去年下半年旺，而再轉售單位之中，75%為200萬元以下的細價樓，以分區計，43%購入再轉售個案集中在新界區，可能因呢啲單位低水，受投資者追捧。今年頭五個月暫有463宗賺錢，佔轉售比例86%，比去年底前的五個月高25個百分點。
在豬流感（H1N1甲型流感）疫情下，全民都關心衞生問題，Vincent收到風，恒地為咗帶出健康生活呢個訊息，近排積極提升旗下商場嘅衞生水平，除加強消毒升降機、洗手間同冷氣系統外，仲好體貼咁照顧到客人嘅個人健康添！只要喺下周三至周五，到恒地旗下將軍澳新都城中心及馬鞍山新港城中心，用電子貨幣消費滿指定金額，就可以換到維他命C飲品一支。計我話，支飲品除咗可增強抵抗力，行到攰用嚟解渴都唔錯。
（Vincent Lau）