本文重點
《FinanceAsia》雜誌公布○九年度「亞洲最佳公司評選」結果，當中分為中港兩地，有公司、CEO同CFO嘅排名。香港區最佳管理嘅公司係港鐵（00066），唔知係咪呢個原因，港鐵行政總裁周松崗就榮登最佳CEO，恒生銀行（00011）副董事長兼行政總裁柯清輝就排第二，柯總今日開埋恒生股東大會後就榮休，呢個獎真係別具意義。
咁邊個係最佳嘅港區CFO？頭三位就係和黃（00013）嘅陸法蘭、港鐵嘅梁國權同埋恒生嘅陳國威，不過後者早前已宣布辭職。
中移獲選最佳內企
至於內地企業排名，無論係最佳公司、最佳CEO及CFO，頭兩位都係由中電信（00728）及中移（00941）包辦。中移以高分數拋離其他公司，取得公司排名第一，但係CEO選舉就由中電信嘅王曉初排頭位，最佳CFO亦係中電信嘅吳安迪。喺呢兩位猛人帶領下，中電信嘅CDMA業務喺內地發展強勁，固網業務發展亦繼續保持穩定。中移嘅CEO王建宙及CFO薛濤海就屈居第二位，睇嚟佢哋今年要努力啲至得。
余絲韻