港股經過周一急升後，尋日只係個別中資股見回吐，恒指仍升49點，反映大市升到呢個位，都仲未見沽壓。古晨都係嗰句，個市一日唔死得，仲可繼續炒，反正呢排成交暢旺，炒鬼最怕係無錢入場。
個市升咗咁耐，落後股份呢幾日亦發力，落後股可以話買少見少，近個幾星期，資金開始轉向二三線股埋手。中油燃氣（00603）上周由阻力位0.37元回落，整固咗幾日，尋日走勢有轉強迹象，相信成交配合下可再展新升浪。
中油燃氣上月公布與濱州市發改委訂立投資協議，將於山東省濱州市投資城市管道燃氣、天然氣加氣站、天然氣運輸和物流等天然氣利用項目。集團將注資350萬元人民幣成立項目公司，總投資額1.5億元人民幣。近年集團業務發展理想，雖然規模唔算大，但隨着天然氣使用在內地滲透率提高，中油燃氣的盈利亦隨項目增加而持續增長。
古晨