本文重點
耀萊集團（00970）（前稱「玉皇朝集團」）去年中收購三款高檔轎車包括賓利、蘭博基尼及勞斯萊斯於北京嘅代理業務，為咗更配合公司奢侈品代理嘅形象，去年八月正式易名為耀萊。大家聽到「耀萊」個名，一般人都以為係寓意公司擁有閃耀嘅未來，業務蒸蒸日上嘅憧憬，但原來唔只咁簡單，「耀萊」個名查實與北京土話有關。
土話寓意打破傳統
話說「耀萊」係取自其北京大股東綦建虹總裁旗下早年開設嘅一間公司，此名字不單只係廣東話照字面直譯嘅意思，以北京土話嘅發音，「耀萊」係指「胡來」嘅意思，意味要打破傳統、不拘一格！喺現實世界可以說服經銷商給予代理權畀同一個代理，同時銷售賓利和勞斯萊斯，唔怕有客戶牴觸嘅問題，環顧全球其他代理，除咗耀萊外，就只有東京嘅代理商可做到！以「胡來」建立奢侈品代理王國，其名字蘊藏嘅意義殊不簡單。
聽聞公司易名後嘅發展好好，集團喺北京代理嘅賓利汽車，喺全球約一百五十個賓利汽車銷售商之中首次超越香港，躍升為第十大；去年銷售北京勞斯萊斯嘅成績，喺全球約八十四個勞斯萊斯代理商中躍升為第三大。
余絲韻