肥在鬼祟位 出招變長腿 關楓馨爆老竇 緊張畀貼士
關禮傑愛女關楓馨被譽為「最索星二代」之一，輕易成為應屆候選港姐熱門，惟昨日出席活動時，她直言不滿意身形，又指父親很緊張其新聞，叮囑她說話要清晰。至於是非不斷的陳聖瑜否認整容，表示只是醫學美容得來的成果。
28位應屆香港小姐入圍佳麗，昨日穿貼身牛仔褲出席美容公司活動，被捧為熱門的關楓馨表示零壓力，但父親關禮傑就很留意她的新聞：「佢會同我講上台要注意乜嘢，淡定啲、講嘢要清楚。」身形勻稱的她，竟直言不太滿意：「你哋睇唔到嘅地方都肥，知道自己有進步空間。對腳唔夠修長，成日要拉筋令線條修長啲，亦有跑步同打拳去水腫。」
梁凱晴王嫿嫿Dry爆
同屬索女一族的「健碩麥明詩」梁凱晴及王嫿嫿，前者表示近日缺乏休息，身體水腫兼皮膚乾燥，所以要勤敷面膜及按摩：「盡量喺坐車期間小睡，爭取時間休息。」嫿嫿則笑指身形毋須太大改善，唯一是要為皮膚補充水分。
至於「豪放版方媛」陳聖瑜被指五官曾經改造，接受過縮鼻翼及隆鼻手術，她全數否認：「我冇整過，細個同依家個樣係唔同，但我好注重皮膚保養，醫學美容就做過。」