劇集收視贏兩屆視帝 陳自瑤唔敢評王浩信演技
視帝王浩信與太太陳自瑤（YoYo）昨日打對台，各自為參演新劇於電視城宣傳，剛踏入38歲的浩信分外醒神，不過為免私事再次成為焦點，齊齊夾定口供只講工作。而YoYo被問到老公在劇中的演出，她說：「佢係兩屆視帝，我都係唔好回應咁多啦！」
王浩信、袁偉豪、黃智雯及王敏奕等昨日為無綫劇集《刑偵日記》宣傳，前日38歲生日的浩信獲送上蛋糕，開心不已，他透露忙於為新劇《廉政狙擊》開工，故趁開工前與家人食飯慶祝。問到太太陳自瑤有甚麼表示？他說：「都係宣傳番套劇啦！其實新劇本來呢兩日要除衫，但延期拍，所以生日終於有得食蛋糕，早幾年只可以聞蛋糕。」
談到《刑》劇反應不似預期，浩信不諱言得知收視數字時也嚇一跳：「拍嗰時係想燒腦啲，呢套唔係送飯劇。（ViuTV《大叔的愛》好大討論度！）我都有睇！（黃德斌演得可愛？）佢不嬲都可愛嘅。」袁偉豪亦力撐德斌：「佢個角色好Cute，其實兩台都有好作品同一時間出係好事，雖然啲朋友話趨勢係睇對面台多啲！」
有捧老公場
另一邊廂，YoYo與黃文意等出席《寶寶大過天》宣傳，對於被網友指於浩信生日沒有表示，YoYo與老公口徑一致，表示私人問題不作回應。談到夫婦昨日分別於電視城宣傳劇集，YoYo望外間焦點集中在他們的工作上。提到其劇集收視比浩信的《刑》劇高，她笑說：「真係唔知！（有冇捧老公場？）都有睇，題材係少有，但好有戲味，連屋企姐姐都有追睇。（浩信演雙重人格，你覺得佢演成點？）佢係兩屆視帝，我都係唔好回應咁多啦！」