身為貓奴的歌手李幸倪（Gin Lee），早前與貓咪合作拍時裝廣告，她說：「因為疫情同天氣炎熱，好多工作變咗拍廠景，但今次想延續上輯廣告嘅訊息，跟住貓咪嘅足迹，發現愛護大自然嘅重要性，我覺得好有意義，所以絕對唔介意拍外景。」
休息期間，貓咪躺在她大髀上睡覺，Gin笑言全程不敢動彈：「可能貓咪見我化妝坐喺度唔郁，佢跳上嚟休息，呢個係培養感情嘅方法，梗係唔可以趕走佢啦！但係當時好多蚊出嚟『搵食』，我怕太大動作會嚇親貓貓，所以被蚊咬到又紅又腫，但只要貓貓舒服都係值得。」
