林子祥Sing援莫文蔚 當老婆冇到
歌手莫文蔚（Karen）身穿涉辱華品牌服裝引起內地網民熱議，然而她心情未受影響，前晚繼續在紅館開騷，邀得林子祥（Lam）擔任嘉賓。原來莫爸爸與阿Lam是拔萃男書院師兄弟，阿Lam更封善於長跑的師兄為偶像。
Karen自認是阿Lam歌迷，雖然認識已久，但一直未有合作，所以今次有幸邀他做嘉賓可說是圓夢。阿Lam笑說：「我同你爹哋同校，佢大我啲啲，你唔好叫我Uncle Lam、林伯。」Karen即乖巧叫他做「Lam哥」，並表示：「其實我同Sally（葉蒨文）熟熟哋，本來想請你哋一齊嚟。」調皮的阿Lam卻笑說：「邊個Sally？」引得全場捧腹大笑！