擬為海外親友直播婚禮 洪永城開腔護友 讚翠如窩心

洪永城昨日與鄧梓峰出席「甲蟲傳奇車迷會」成立記者會，向女友梁諾妍求婚成功的他，人逢喜事精神爽，全程四萬咁口！他表示收到很多朋友的祝福，還有不少「恐嚇性」留言，叫他好好對待女友，他開玩笑稱考慮去備案，其後才正經說：「我會對佢好好，佢係一個好女仔，好善良同正能量。」

對於老友黃翠如在社交網發文祝福他，卻被批評似宣示主權，他認為只是網民過分解讀：「識咗十幾年，係好朋友先會咁講，我同女友覺得冇問題，佢寫得好好笑同好窩心！」

有共識造人

問到籌備情況，他透露計劃下半年辦婚禮，已跟酒店商量關於賓客的安排事宜，由於疫情關係，每個空間只能容納20人，更考慮搞直播：「我媽咪喺台灣，如果叫佢返嚟有啲困難，來回隔離一個月，唔想老人家咁。我喺世界各地都有親戚，可能要做婚禮直播。（媽咪有冇見過女友？）有，佢好鍾意，鍾意佢多過我！」造人方面，他直言有小朋友是幸福，但現時未有，會朝這個方向努力，雙方亦有共識。

至於為何選擇在廁所求婚，他說：「因為冇人做過，個廁所位置好適合，佢一打開門就見到啲花同戒指。（女友感動到喊？）我都好感動，大家拍拖2年，經歷好多。（度咗幾耐？）度咗3分鐘。（喺廁所度？）我知你哋想講乜，屎橋吖嘛！」